Këtë javë ka nisur pranë Qendrës Spitalore Universitare “Nënë Tereza” kryerja e testit serologjik për personat që janë në vijën e parë të luftës me COVID -19 dhe kryesisht për stafet shëndetësore dhe ato të Policisë së Shtetit.
Kryerja e këtij testi, përmes analizës që merret në gjak është në gjendje të tregojë nëse personi ka rënë në kontakt me virusin, çka do të lërë në trupin e tij antitrupa. Prania e antitrupave në gjakun e një individi, tregon se ai mund të jetë prekur nga virusi edhe në gjendje asimptomatike.
Mjeku i njohur Pëllumb Pipero, tha në emisionin “Zonë e lirë” se edhe ai vetë kishte kryer testin serologjik ditën e hënë. “E bëra testin serologjik të hënën. Rezultova negativ”, tha doktori./Opinion.al
