Fati i keq ndonjëherë të ndjek, ndërsa fundi mund të jetë dhe i ngjashëm. I tillë është rasti i pilotit që drejtonte avionin që u rrëzua dje në Kolumbi, që është quajtur “Superhero”, i cili kishte humbur babanë e tij në një fatkeqësi ajrore.
Miguel ‘Micky’ Quiroga, 54-vjeçar, ishte duke fluturuar me aeroplanin Bolivian Lamia, kur ai u rrëzua në Kolumbi, ku humbën jetën 71 persona, mes tyre edhe pjesëtarë të ekipit të futbollit ‘Chapecoense’ të Brazilit. Tragjedisë fatmirësisht i shpëtuan vetëm 6 persona. Mediat ndërkomëbtare theksojnë se piloti u quajt hero, pasi veprimi i tij u shpëtoi jetën 6 të mbijetuarve, pasi ai kishte hedhur lëndën e mbetur djegëse në avionin CP-2933 pas problemeve teknike, në mënyrë që të mos shpërthente.
Të njëjtat burime theksojnë se babai i Micky, Orlando Quiroga, me profesion pilot, humbi jetën gjatë një aksidenti në vitin 1963, në moshën 53-vjeçare në një kohë kur Micky ishte vetëm një vjeç. ‘Daily Mail’ shkruan se Micky u rrit i dëshpëruar për të ecur në gjurmët e babait të tij dhe pavarësisht se nuk e dinte atë – ai zbuloi se Orlando ishte frymëzimi i tij. Raportohet se Miguel ishte i martuar me bijën e një ish-senatori brazilian, Roger Pinto, ndërsa çifti kishte tre fëmijë.
