Dy pilotë besohet se i zuri gjumi në avion dhe kanë humbur uljen e tyre gjatë një fluturimi nga Sudani në Etiopi të hënën.
Incidenti ndodhi në bordin e një avioni Boeing 737-800 të Ethiopian Airlines që ishte nisur nga Khartoum në Addis Ababa.
CNN shkruan se avioni po fluturonte në lartësi 11 kilometra kur nuk arriti të zbriste në Aeroportin Ndërkombëtar të Addis Ababa Bole, destinacioni i tij i planifikuar, më 15 gusht.
Kontrollorët ajërorë me sa duket nuk kanë arritur të kontaktojnë në ekuipazhin e avionit, pavarësisht përpjekje për të kontaktuar.
Megjithatë,autoritetet dhanë alarmin kur panë që avioni kaloi pistën dhe vazhdoi fluturimin.
Avioni më pas filloi të zbriste, duke u ulur i sigurt rreth 25 minuta më vonë.
Në lidhje me incidentin reagoi dhe analisti i fluturimeve Alex Macheras.
Përmes një postimi në Twitter, Macheras tha se pilotët duhet të trajtohen për lodhjen, pasi kjo rrit rrezikun për gabime gjatë fluturimit duke rrezikuar dhe jetën e njerëzve.
“Lodhja e pilotëve nuk është diçka e re dhe vazhdon të përbëjë një nga kërcënimet më të rëndësishme për sigurinë ajrore ndërkombëtarisht,” shkroi Macheras në Twitter të enjten./Opinion.al
Deeply concerning incident at Africa’s largest airline — Ethiopian Airlines Boeing 737 #ET343 was still at cruising altitude of 37,000ft by the time it reached destination Addis Ababa
Why hadn’t it started to descend for landing? Both pilots were asleep. https://t.co/cPPMsVHIJD pic.twitter.com/RpnxsdtRBf
— Alex Macheras (@AlexInAir) August 18, 2022
