Pilo Keri ka nisur sot në adresën e-malit të gazetarëve të opinion.al një email në përpjekje sqaruese për ato që ai i konsideron sulme mediatik ndaj biznesit të tij. Në përputhje të plotë me ligjin dhe etikën e botuam përpjekjen për sqarim të z. Pilo Keri. Por nëpër rreshta, lexohen qartë vetëm vitet e shkolles dhe trajnimet që ka bërë i biri, Krislen Keri i cili aktualisht është drejtor Projektesh në Ministrinë e Transporteve dhe që sipas tij ka qendruar vetem 1 vit si drejtor i kabinetit te Haxhinastos.
Në një përgjigje tonën, mund ti themi zotit Keri që të flase dhe të takohet me shpesh me të birin, sepse zoti Krislen eshte ende ne zyren e shefit të kabinetit të ministrit (vetëm nese e ndryshon sot me nxitim).
E dyta, askush nuk dyshoi në përgatitjen dhe trajnimet që Krislen Keri ka bërë profesionalisht. Ai dhe babai i tij duhet ti përgjigjen disa pyetjeve që kanë të bëjnë me konfliktin e interesit që këta dy shtetas kanë në tenderat e përfituar nga Ministria e Transporteve. Një për mirëmbajtjen e rrugëve, që është dhe shkaku i vdekjes së dy fëmijëve në aksin Plepa-Rrogozhinë dhe ai i portit të Durrësit.
Në e-mailin e tij zoti Keri nuk përmend as përfshirjen e kompanise së tij në tendera që vetëm për vitin 2015 kapin shifren e 3.4 milionë eurove të gjitha në punë publike.
Dhe e fundit por jo me pak e rendesishme. A i ka mbetur zyrtareve te larte politike Ministrisë së Transporteve, përfshirë dhe Krislen Kerin ndonjë fije përgjegjësie që vartësit janë ende në burg për urdhërat që “shefat” kanë dhënë për heqjen e barrierave të trafikut në mënyrë qe babai i Krislenit të shesë karburant?
Dhe nesë përgjegjësisë i fshihen si ministri dhe sejmenet e tij, e vetmja që mbetet është shpresa e vakët tek drejtesia. Sepse morali duket se nuk gjen më vend në zyrat e katit të tretë të Ministrisë së Transporteve, atje ku makuteria duket se ka shkatërruar çdo instikt njerëzor.
Për sa më sipër, po bashkëngjisim dhe njëherë listën e tendereva te fituara nga kompania “Pienvis”, me pronar Pilo Kerin. Ne pritje qe te pergjigjen e radhes mos te na sjelle cv e familjareve te tjere, te punesuar dhe ata ne vende ku shpallen fituesit e tenderave.
Reagimi i Kerit: Pilo Keri: Sulmi ndaj meje politik. Djali s’më dha tendera
Lista e tenderave të fituara nga Pilo Keri
1. 21 dhjetor 2015, Bashkia Sarandë, fitues ”Pienvis.shpk” vlera: 276.292.007 lek
2. 21 dhjetor 2015, Drejtoria e rajonit Qendror Tirane, fitues “Pienvis.shpk” vlera : 41.954.351 lek
3. 27 tetor 2015, Instituti i Sigurimeve Shoqerore, fitues “Pienvis.shpk” vlera : 5.700.000 lek
4. 22 dhjetor 2014, Bashkia Sarande, fitues “Pienvis shpk”,vlera: 19.178.000 lek
5. Komuna Trebisht Bulqize, fitues “Pienvis shpk”, vlera: 20. 605.000 lek
6. 16 dhjetor 2015 Bashkia Vore, rikonstruksion rrugesh, fitues “Pienvis shpk”, vlera : 83.226.000
7. 22 korrik 2015,Komuna Maqellare, fitues “Pienvis shpk”, vlera: 18.950.000 lek
8. 20 prill 2016,Bashkia Kucove,fitues “Pienvis shpk”,vlera 3.692.000 lek
9. 16 shkurt 2015 Bashkia Lushnje, fitues “Pienvis shpk”, vlera : 8.214.000 lek
10. 10 dhjetor 2015 Ministria e Mbrotjes, reparti 3001, fitues “Pienvis shpk” vlera: 18.820.000
11. 29 dhjetor 2015 Instituti i Sig Shoqerore, fitues “Pienvis shpk”, vlera : 14.300.000 lek
12. 10 shkurt 2016 KESH sha,fitues “Pienvis shpk”,vlera : 80.698.000 lek
13. 12 gusht 2015 OSSHE Berat,fitues “Pienvis shpk”,vlera : 10.420.000 lek
14. 10 gusht 2015 OSSHE Berat,fitues “Pienvis shpk”,vlera: 9.838.000 lek
15. 2 korrik 2015 Komuna Otllake Berat,fitues “Pienvis shpk”,vlera : 19.166.000 lek
16. 2015 Porti i Durresit,fitues “Pienvis shpk”,vlera : 13.212.000 lek
17. 26 prill 2016 Bashkia Roskovec, fitues “Pienvis shpk”,vlera : 6.562.000 lek
18. 11 shtatot 2015 Spitali rajonal Vlore fitues “Pienvis shpk”,vlera : 14.036.000 lek
19. 12 nentor 2015 Drejtoria e Pergjithshme e Sherbimeve te Transportit Rrugor vlera :50.764.000
20. Ministria e Zhvillimit Urban ,fitues “Pienvis shpk”,vlera : 23.807.000 lek
/Opinion.al
