TIRANE- Mbrëmë në emisionin Opinion, gazetarët e aktualitetit Flamur Vezaj dhe Spartak Koka sollën fakte të reja për atë që njihet me emrin skandali i serverit të Tatimeve. Ata thanë se inxhinierët IT dhe përfaqësuesit e Ministrisë së Financave kanë pranuar në prokurori se janë kopjuar të dhënat. Ndërsa Renald Rista ish-drejtor i IT në Tatime tha se vëllai i ministrit, Gjiknuri, Panajot Gjiknuri që është këshilltar në Ministrinë e Financave ka qenë pjesë e auditit në serverin e Tatimeve. Edhe pse çështja është mbyllur nga prokuroria pa çuar asnje në bankën e të akuzuarve, ajo vazhdon të përbëjë një shqetësim të madh sidomos për botën e biznesit, pasi të dhënat e tyre janë vjedhur dhe mund të përdoren në mënyre abuzive.
Kjo është çështja: Kush i mori të dhënat e serverit të Tatimeve?
Kush tha urdhër të kopjohen dhe kush është duke i përdorur?
