Presidenti i Madagaskarit ka hedhur poshtë kritikat për promovimin e një ilaçi bimor për Covid-19, duke akuzuar ekspertët e shëndetit për qëndrimin e mbajtur ndaj mjekësisë tradicionale afrikane.
Organizata Botërore e Shëndetit (OBSH) ka paralajmëruar vazhdimisht se pija, e përgatitur nga artemisia dhe bimë të tjera indigjene, nuk është testuar klinikisht.
Por udhëheqësi i Madagaskan, Andry Rajoelina, pretendon se toniku shëron pacientët brenda 10 ditësh. Në një intervistë për mediat franceze, ai tha:
“Nëse nuk do të ishte Madagaskari dhe nëse do të ishte një vend evropian që e kishte zbuluar këtë ilaç, a do të kishte kaq shumë dyshime? Nuk mendoj. Shkencëtarët afrikaë nuk duhet të nënvlerësohen. Unë mendoj se problemi është se pija vjen nga Afrika dhe ata nuk mund ta pranojnë që një vend si Madagaskari ka gjetur këtë formulë për të shpëtuar botën”
Tashmë Guinea Ekuatoriale, Guinea-Bissau, Nigeri dhe Tanzania kanë marrë dorëzimin e dërgesave të ilaçit, i cili u lançua muajin e kaluar.
“Asnjë vend apo organizatë nuk do të na ndalojë të ecim përpara,”- tha Rajoelina në përgjigje të shqetësimeve të OBSH.
Ai tha se prova e efikasitetit të tonikut ishte në “shërimin e të sëmurëve tanë“.
Madagaskari ka raportuar zyrtarisht 183 raste me koronavirus dhe 105 të shëruar, pa asnjë vdekje. /Opinion.al
