Një studim i ri zbulon se vaksina Pfizer është 90% efektive për të parandaluar shtrimin në spital, deri në gjashtë muaj pas marrjes së dozës së dytë.
Studiuesit analizuan të dhënat e rreth 3.4 milion personave në Kaliforni në periudhën dhjetor 2020- gusht 2021.
Studimi, i botuar të hënën në revistën mjekësore The Lancet, gjithashtu arrin në përfundimin se vaksina ishte 93% efektive kundër variantit shumë ngjitës Delta për të paktën gjashtë muaj pas dozës së dytë.
Këto përfundime vijnë pasi Agjencia Evropiane e Barnave miratoi të hënën dozën përforcuese të vaksinës kundër COVID-19, Pfizer/BioNTech, për të gjithë personat mbi 18 vjeç. Ato injektohen 6 muaj pasi janë marrë dy dozat e vaksinës.
