Agjencia e Brendshme e Spiunazhit të Gjermanisë ka ndaluar përkohësisht klasifikimin e Alternativës për Gjermaninë (AfD) si një organizatë ekstremiste, në atë që AfD e quajti një fitore për sfidën e saj kundër vendimit.
Sipas vendimit, agjencia nuk do ta cilësojë publikisht AfD-në një “lëvizje të konfirmuar ekstremiste të krahut të djathtë” derisa gjykata administrative në Këln të ketë vendosur mbi një kërkesë të kësaj partie për një urdhër ndalimi, thuhet në një deklaratë të gjykatës.
Lëvizja vjen pasi javën e kaluar AfD u klasifikua si parti e djathtë si ekstremiste duke shkaktuar reagime të ashpra në politikën gjermane.
Vendimi u kritikua nga administrata e Presidentit të SHBA-së, Donald Trump, Zv/presidenti amerikan, JD Vance, dhe Sekretari Amerikan i Shtetit, Marco Rubio, që u bëri thirrje autoriteteve gjermane të tërhiqnin vendimin e tyre.
Klasifikimi ekstremist i lejon Agjencisë së Spiunazhit me seli në Këln të rrisë monitorimin e AfD-së, duke rekrutuar informatorë dhe duke përgjuar komunikimet e partive. E themeluar në vitin 2013, AfD është bërë partia e dytë më e madhe në Gjermani, dhe përcaktimin si ekstremiste e konsideroi atë përpjekje të motivuar politikisht. Klan News
