Artan Shkëmbi, drejtor në Drejtorinë Qendrore, në departamentin e Policisë Kriminale në Drejtorinë e Përgjithshme të Policisë së Shtetit, u pezullua nga detyra.
Artan Shkëmbi ishte kreu i task forcës “Forca e Ligjit”. Urdhri për pezullimin e tij nga detyra mban firmën e drejtorit të përgjithshëm Ardi Veliut.
Lajmi bëhet me dije nga News 24, që bëjnë të ditur se urdhri për pezullimin e tij ka ardhur pas vendimit të GJKKO e cila ka pranuar kërkesën e SPAK.
Artan Shkëmbi është nën hetim për korrupsion dhe nxjerrje sekreti hetimor.
Pak muaj më parë, Artan Shkëmbi kaloi me sukses procesin e vetting-ut në polici duke qenë i pastër në të tri kriteret e vlerësimit, atë të pasurisë, pastërtisë së figurës dhe anës profesionale./Opinion.al
