Dy drejtuesit e komisariatit të Devollit janë pezulluar nga detyra ditën e sotme pasi dyshohet se kanë lejuar prerjen e paligjshme të pyjeve si edhe transportimin e tyre nga disa shtetas.
Mësohet se nga detyra janë pezulluar Besim Palamani shefi komisariatit, Admir Belishta shefi rendit.
Policia njofton se dy efektivët kanë qenë në përgjim për më tepër se 3 muaj.
Njoftim policie
Pezullohen nga detyra dy drejtuesit e komisariatit të Devollit, konkretisht shefi i komisariatit B.P, dhe shefi i rendit A.B.
Bëhet e ditur se dy drejtuesit akuzohen për “shpërdorim detyre”.
Ata kanë qenë në përgjim për më tepër se 3 muaj, dhe dyshohet se kanë lejuar prerjen e paligjshme të pyjeve si edhe transportimin e tyre nga disa shtetas.
Çështja po shqyrtohet në prokurorinë e rrethit gjyqësor Korccë për veprime të mëtejshme, në bashkëpunim me Agjencinë e Mbikqyrjes Policore.
