Katër punonjës policie janë pezulluar nga puna nga Shërbimi për Çështjet e Brendshme dhe Ankesat për veprën penale “Dhënie ndihme për kalim të paligjshëm të kufirit”.
Gjithashtu është duke u ndjekur penalisht një vajzë. Sipas njoftimit këta punonjës në bashkëpunim me njëri-tjetrin donin të mundësonin kalimin e paligjshëm të kufirit shtetëror në Aeroportin e Rinasit, të një vajze shqiptare me pasaportë të falsifikuar.
Nga detyra mësohet se janë pëzulluar punonjësit e policisë me inciale L.S., me detyrë në DPPSH, M.B., me detyrë në DPPSH, A.M.në Komisariatin e Policisë Rinas dhe A.D. në Komisariatin e Policisë Rinas.
Gjithashtu u vendos masa “Detyrim për t’u paraqitur në Policinë Gjyqësore”, për shtetasen K.B./Opinion.al/
