Vijojnë akuzat e kryeministrit Edi Rama për Presidentin Ilir Meta dhe ish-kryeministrin Sali Berisha, të cilët sipas tij kanë shkaktuar bllokimin e aktivitetit të aeroportit ” Nënë Tereza”.
Përmes një statusi në Twitter, Rama thotë se Ilir Meta është nxitës i kësaj goditjeje të çmendur e s’ka shqiptar që s’e kupton pse.
“Humoret vulgare të Ilir Metës ndërkohë që një grup i nxitur prej tij dhe Saliut, kanë kryer aktin e rëndë të bllokimit të aktivitetit të aeroportit “Nënë Tereza”, thjesht rikonfirmojnë se Ilir Meta është nxitës i kësaj goditjeje të çmendur e s’ka shqiptar që s’e kupton pse! Po s’do ia dalin jo!”, shkruan Rama.
Më herët, Presidenti Ilir Meta tha se prononcimin e tij për situatën e krijuar pas ndërprerjes së punës në Rinas do e japë nga Vlora./Opinion.al
