Në studion e emisionit “Opinion” gazetari dhe ish-deputeti Alfred Peza, tha se Presdienti Meta nga pikëpamja kushtetuese nuk mund ta shpërndajë parlamentin. Më tej, ai tha se tashmë Meta ka nisur një projekt të ri politik, për të marrë drejtimin e opozitës.
“Nga pikëpamja kushtetuese Presidenti nuk e shpërndan parlamentin. Ilir Meta tregon se mund ta shpërndajë parlamentin, nisur nga mënyra si veproi me zhdekretimin e zgjedhjeve në 30 qershor. Ilir Meta mund ta shpërndajë parlamentin, por ky do të ishte fundi i tij politik, edhe nëse ai ka ambicie për t’u rikthyer si lider i një partie politike.
Ilir Meta sot ka nisur një projekt të ri politik, lufta nuk është me mazhorcën dhe Ramën është me Lulzim Bashën për rolin e kreut të opozitës. Ilir Meta ishte në rolin e liderit të opozitës, Lulzim Basha ishte në rolin e argatit që i solli votuesit e tij për t’ja konfirmuar këtë gjë”, u shpreh Peza.
Në vijim të fjalës së tij, Peza u shpreh se Meta po përpiqet të pozicionohet pak më djathtas, ndryshe nga natyra e LSI, në një parti të natyrës së djathtë ekstreme, që do ta quajë Besëlidhja demokratike. /Opinion.al
