Kryetarja e LSI-së Monika Kryemadhi ka qenë ditë e sotme e ftuar në Zërit e Amerikës, ku ka folur për situatën politike por edhe për politikanët shqiptarë që iu janë refuzuar vizat nga SHBA.
Por, Kryemadhi u pyet nga gazetarja për refuzimin e vizës amerikane për nënkryetarit të LSI-së, Petrit Vasilin.
Kryetarja e LSI e mohoi këtë, dhe më pas shtoi se nuk ka informacione në lidhje me këtë çështje.
“Nuk besoj se i është refuzuar viza. Nuk kam informacion. Në qoftë se ka një njeri pa probleme ai është zoti Vasili. Megjithatë unë nuk e vë dorën në zjarr as për fëmijët e mi e as bashkëshortin tim. Por zoti Vasili ka qenë një nga bashkëpunëtorët më të ngushtë të ambasadës amerikane për reformën në drejtësi”, tha Kryemadhi.
Ndërkohë, ka ardhur dhe reagimi i Vasilit, i cili ka përgënjeshtruar lajmin. Ai thekson se që prej vitit të kaluar nuk ka aplikuar për një vizë amerikane.
Po ashtu, ai thekson se ka qenë disa herë në SHBA i pajisur me vizë zyrtare A2. Ai tregon se vizita dhe kërkesa e fundit për vizë ka qenë në qershor të 2018 .
“Ju sqaroj që kam qenë disa herë radhazi në Amerike i pajisur gjithmonë me vizë zyrtare A2 duke filluar nga pjesëmarrja në ceremoninë e inaugurimit të Presidentit Trump në janar 2017 dhe më pas edhe në dy vizita të tjera të njëpasnjëshme.
Vizita e fundit dhe kërkesa e fundit për pajisjen me vizë ka qenë në qershor të vitit 2018 në vizitën e zj.Kryemadhi në Washington ku sërish kam udhëtuar me vizë A 2”, deklaron Vasili për “BË”, -tha Vasili./ Opiniojn.al E.Xh.
