Deputeti i LSI-së,Petrit Vasili në një deklaratë për mediat jashtë godinës së Kuvendit ka komentuar seancën e sotme parlamentare. Në deklaratën e tij ai është shprehur se do të vijojnë protestat nga ana e Opozitës deri në momentin që situata të rikthehet në normalitet.
Vasili gjithashtu ka komentuar edhe ekstradimin e Nazer Seitaj. “Mazhoranca po vret parlamentin” – është shprehur Vasili. “Sot është dita më e zezë në karrierën e Ruçit, u vra parlamenti”. – ka thënë ai.
“E drejta e popullit për të vënë gjërat në vendin e duhur, është e padiskutueshme. Vendin e ka pushtuar krimi, ndërsa këta nuk kanë merak për të shpëtuar por për t’iu përkushtuar krimit”- u shpreh ndër të tjera Vasili.
