Këshilli i Lartë i Prokurorisë miratoi të mërkurën dorëheqjen e prokurorit Petrit Fusha, duke vendosur si datë të mbarimit të mandatit të tij 31 marsin 2019. Sipas njoftimit të KLP-së, Fusha e paraqiti dorëheqjen më 28 shkurt, me motivimin se “prokuroria nuk është më vendi ku mund të shërbejë pas një përvoje 32 vjeçare”.
Kështu Petrit Fusha është zyrtari i 16 i sistemit të drejtësisë që jep dorëheqjen para ose gjatë procesit të vetingut. Emri i tij ishte në listën e shortit të dytë të njerëzve që kontrollohen me përparësi nga “Vettingu”.
Kush është Petrit Fusha
E ka nisur karrierën në sistemin e drejtësisë në vitin 1987. Ai ka ushtruar funksionin e prokurorit për më shumë se 15 vjet në Prokurorinë e Tiranës dhe prej vitit 2013 u emërua drejtues i kësaj Prokurorie. Në vitin 2017, Fusha u emërua prokuror në Prokurorinë e Përgjithshme. Emri i tij ka qenë shumë i përmendur në opinionin publik, pas akuzave politike.
Pasuria (Deklaratën e plotë të pasurisë e gjeni KÊTU)
Sipas formularit të plotësuar nga vetë Petrit Fusha për deklarimin e pasurisë për vitin 2016, duket se pronat dhe të ardhurat e tij nuk janë të pakëta.
