Drejtori i Zyrës për Kosovën në qeverinë serbe, Petar Petkoviç deklaroi se kryeministri i Kosovës, Albin Kurti, është i vetmi që dëshiron konflikte dhe luftë.
Përmes një postimi në rrjetet sociale, Petkoviç u shpreh se Beogradi dhe populli serb dëshirojnë paqe dhe gjithmonë insistojnë në paqe.
“Populli serb është ngopur me terrorin e Kurtit dhe nuk do të durojmë më, populli serb do të përgjigjet me gjithë çka ka kundër agresionit të Kurtit”, ka thënë ai në Facebook.
Reagimi i Petkoviçit vjen në kohën e rritjes së tensioneve në veriun e Kosovës të banuar me shumicë serbe.
