177 anëtarë të degës së Partisë Demokratike të Durrësit kanë firmosur peticionin nëpërmjet të cilit kërkojnë ndërprerjen e garës për kryetar duke e konsideruar atë në shkelje të statutit të partisë.
Demokratët e Durrësit e konsiderojnë procesin një farsë.
Në peticion thuhet se farsa, zgjedhjet e imponuara, përjashtuese, konfliktuale mund të çojnë më e pakta në formalitet gare dhe formalitet opozitarë dhe më e shumta në ndarje të partisë me pasoja të rënda për të djathtën.
Kjo lëvizje e demokratëve të Durrësit vjen pas peticioneve të firmosura nga anëtarësia në Korçë, Vlorë dhe njësia nr.7 Tiranë.
