Pete Davidson është shfaqur në kopertinën e revistës “Paper”, ku u intervistua nga miku i tij Tommy Dorfman.
Ndër të tjera, ky i fundit e pyeti Davidson, nëse dëshironte të fliste për Ariana Granden, me të cilën pati një lidhje dashurie që shkoi deri në fejesë, por që mori fund papritur në tetor të vitit 2018.
“Unë kurrë nuk bëj deklarata publike në lidhje me marrëdhëniet e mia sepse thjesht nuk mendoj se është e drejtë, më kupton? Unë zakonisht shprehem sesi ndjehem përmes punës. Kështu që, shpresoj që ajo të jetë mirë. Shpresoj që ajo të jetë shumë e lumtur. Dhe kjo është e gjitha”, u shpreh ai.
Kur u pyet se cila është gjuha e tij e dashurisë, Davidson tha:
“Gjuha ime e dashurisë, kur jam në një lidhje, është që unë e trajtoj personin me të cilin jam, si një princeshë. Unë përpiqem të shkoj sa më lart dhe më gjerë që të jetë e mundur, sepse kjo është ajo që duhet të bësh! Nëse ti je në një marrëdhënie me dikë, thjesht supozon ta bësh atë person të ndjehet sa më i veçantë të jetë e mundur. Por nganjëherë kur i jep aq shumë dikujt, kjo i huton ata”, tha ai teksa shtoi se një nga mësimet e tij më të mëdha nga marrëdhëniet e së kaluarës është se, ato janë të tijat, jo të publikut duke thumbuar Granden që publikonte çdo detaj mes tyre./Opinion.al
