Një 30-vjeçar ka mbetur i vdekur në Bulevardin “Gjergj Fishta”, pasi dyshohet se ka pësuar arrest kardiak .
Gjatë kohës që ka pësuar sulmin në zemër, i riu ishte duke drejtuar mjetin e tij, i cili doli nga rruga dhe u përplas me një pemë.
Viktima është identifikuar me inicialet S.V., ndërsa në vendngjarje ka mbërritur një grup hetimor i cili po punon për zbardhjen e plotë rrethanave të vdekjes së të riut.
Njoftimi i policisë
Rreth orës 17.45, në Bulevardin “Gjergj Fishta”, shtetasi S.V, 30 vjeç, duke drejtuar mjetin dyshohet se ka pësuar arrest kardiak dhe për pasojë mjeti ka dalë nga rruga duke u përplasur me një pemë.
Shtetasi S.V, ka ndërruar jetë, ku dyshohet si pasojë e arrestit kardiak. Grupi hetimor po punon për sqarimin e plotë të rrethanave të ngjarjes, ku paraprakisht ngjarja dyshohet aksidentale./ Opinion.al E.Xh.
