Peshkatari u përkul për të larë duart, peshkaqeni e tërheq në ujë duke i kafshuar dorën

Një video tronditëse është bërë virale në media, ku shihet një peshkatar i cili u kafshua nga një peshkaqen dhe më pas e tërhoqi brenda në ujë.

Videoja tregon një peshkaqen që kërcen nga uji për të kafshuar dorën e një peshkatari. Peshkaqeni duket se e tërheq njeriun nga varka në ujin e turbullt, pas së cilës peshkatarët e tjerë nxitojnë të ndihmojnë mikun e tyre duke e futur përsëri në varkë.

Sipas mediave të huaja, incidenti ndodhi në Gjirin e Floridës, një lagunë e madhe me ujë të cekët në Florida jugore.

Burri raportoi sulmin e peshkaqenit tek zyrtarët e Shërbimit të Parkut Kombëtar. Në parqet kombëtare sulmi konsiderohet “jashtëzakonisht i pazakontë” sipas zyrtarëve.

“Individi deklaroi se kishte qenë duke peshkuar nga një varkë në Gjirin e Floridës dhe po lante duart në ujë kur ndodhi sulmi. Ndërsa kafshimet e peshkaqenëve janë jashtëzakonisht të pazakonta në Parkun Kombëtar Everglades, ne gjithmonë rekomandojmë vizitorët të kenë kujdes rreth kafshëve të egra të parkut”, thuhet në deklaratë.

I plagosuri u dërgua në një spital lokal për të marrë mjekimin që i nevojitej.

Sipas Federatës Kombëtare të Kafshëve të Egra, peshkaqenët “dema” mund të udhëtojnë nëpër trupat e ujërave të ëmbla dhe të kripura. Peshkatarë të tjerë nga Florida kanë raportuar ndërveprime të ngjashme me peshkaqenë agresivë në këtë zonë./Opinion.al