Pesë shqiptarë janë arrestuar nga policia italiane në Prato, të cilëve iu është gjetur kokainë. Gjatë operacionit janë sekuestruar edhe 21 mijë Euro para të gatshme.
Shqiptarët e arrestuar janë të moshës 30-41 vjeç, ndërsa emrat e tyre nuk janë bërë publikë. Dy prej tyre u arrestuan mbrëmjen e djeshme gjatë një kontrolli në Sesto Fiorentino, të cilëve iu gjetën 300 gram kokainë.
Një sasi tjetër prej gjysmë kg kokainë është gjetur në një tjetër ambient në qendër të Pratit dhe në zonën e San Donnino. Operacioni vijoi edhe mëngjesin e sotëm me konfiskimin e mbi 3 kilogramë kokainë në një bodrum në Prato. Në total karabinierët sekuestruan 6.3 kg kokainë që i përkiste pesë shqiptarëve të arrestuar. /tvklan.al
