Me zhvillimin e teknologjisë, nuk është më e nevojshme që me ndryshimin e orës të ndryshohen edhe akrepat pasi ky veprim bëhet automatikisht. Por kjo nuk vlen për koleksionistin britanik, 75-vjeçar, Roy West.
Ai tha për “The Sun” se ka qëndruar për plot 5 orë për të kthyer akrepat e orëve të tij 60 minuta mbrapa. Kjo pasi West prej gati 40 vjetësh, koleksionon ora dhe tashmë numëron rreth 5 mijë të tilla.
“Është një punë e gjatë, por nuk më intereson. Nuk dua të tregojnë kohën e gabuar. E nis në dhomën e gjumit, pasi kam më shumë atje, më pas në dhomën e ndenjes, në korridor, kuzhinë, në banjë dhe në fund në dollapë”, ka thënë 75-vjeçari./Opinion.al
