Përmbysje dhe ripërmbysje, derbi i Italisë është i Juventusit. Bardhezijtë bënë gjithçka mirë në transfertën e Milanos përballë Interit, duke fituar një sfidë të çmendur me shifrat 3 me 2.
Goli që zhbllokoi shifrat erdhi nga mesfushori brazilian Daugllas Costa që në minutën e 13-të.
Dy minuta më vonë, “zonja e vjetër” mori një tjetër bonus, pasi ndërhyrja e mesfushorit Vecino ndaj Mandzukic u konsiderua si e parregullt, me kryesorin që e ndëshkoi me karton të kuq mesfushorin uruguajan.
Reagimi i zikaltërve erdhi vetëm në fraksionin e dytë të lojës, me të përhershmin Icardi që e depozitoi topin në rrjetë nga një goditje me kokë shumë pranë portës, ndërkohë që revanshi i Inter erdhi në vetëm pak minuta më vonë, pikërisht në të 65-t, me Barzagli që në tentativë për të larguar topin, e shtyu drejt rrjetës së tij.
Disavantazhi bëri që në skemat e Massimiliano Allegri të pësonin ndyshime, duke përdorur kartën Dybala që rezultoi shumë i gjetur.
