Vajza rebele e aktores Ema Andrea vazhdon të komentohet edhe për deklaratat provokuese që i japin gjithmonë titujt kryesorë në media e portale. 23-vjeçarja ishte këtë javë e ftuar edhe në “Jo vetëm modë” për të folur më shumë për klipin “Watching you” dhe për të sqaruar deklaratat e saj të fundit.
Vitin e kaluar, Sara preu flokët dhe i dhuroi për një kauzë sociale, por thotë se për një kauzë të tillë do të bënte edhe foto nudo: “Për bamirësi po, por edhe për lekë mund ta bëj, nëse do të ishte cover i një reviste, siç bëjnë shpesh edhe artistët jashtë”, – thotë ajo pas pyetjes se për ç’arsye do të pozonte nudo.
Gjithashtu, Sara foli edhe për deklaratat e saj të pak kohëve me parë për raportin seksual me një femër: “Dëgjo, janë disa gjëra që duhet t’i them dhe duhet t’i bëj. Në këtë rast të paktën ishte për një arsye të mirë, sepse do të nxirrja këngën dhe më interesonte të kishte popullaritet. Por kaq, e kam ekzagjeruar në shumë gjëra dhe e vazhdova shown pavarësisht se është jashtë natyrës sime.”
Dhe, nëse do të zgjidhte një artiste shqiptare me të cilën do t’i pëlqente të kishte një përvojë seksuale, ajo e ka një emër: “Me Dafina Zeqirin. Është idhull, e dua shumë. Më pëlqen shumë edhe si artiste edhe si gocë në paraqitje. Më pëlqen shumë”
Ndërsa, sa u përket djemve, zhgënjyese për ta: “Me thënë të drejtën çunat më seksi që kam parë dhe kam njohur nuk janë pjesë e shoëbiz-it fare”
