Gjykata e Korçës ka caktuar masën e sigurisë “arrest në burg” për Alma Beqirin.
Alma Beqiri akuzohet se ka përvetësuar nëpërmjet mashtrimit një shumë prej 3 milion eurosh për periudhën 2021-2023 si agjente e shërbimeve postare private në Korçë dhe Pogradec.
Seanca me gjyqytare Thomaidha Roça, ndërsa prokuror Gjergji Ceka nisi në orë 10:00 dhe u mbajt me dyer të mbyllura, për më tepër se 2 orë.
Në këtë seancë, Alma Beqiri ka mohuar akuzat, ndërsa avokatët kanë kërkuar një masë më të butë sigurie pasi sipas tyre 46-vjeçarja nuk ka mashtruar e as përvetësuar para por ka shlyer rregullisht bizneset që kanë bashkëpunuar me postën për porositë.
Sipas palës mbrojtëse, nuk bëhet fjalë për një mashtrim por një mosrakordim mes të pandehurës dhe kompanisë dhe dyshohet që është evazion fiskal për shkak të kryerjes së shërbimeve pa faturë tatimore.
Por trupa gjykuese vendosi ta linte në arrest në burg.
Kujtojmë se 46-vjeçarja, shpërndante pako të ndryshme postare, për llogari të subjekteve të treta dhe shumat monetare që i arkëtonte nga klientët, nuk i ka derdhur në llogarinë e subjekteve tregtare shitëse dhe as tek kompania që kryente këtë shërbim./Opinion.al
