Surpriza në Kupën e Amerikës. Peruja ka mundur me rezultatin 3-0 Kilin në gjysmë finalen e dytë, ndërsa tani do të jenë në finale kundër Brazilit.
Askush nuk e priste këtë kualifikim të Perusë sepse Kili shfaqej favorit në letër. Kjo u pa edhe në fushën e lojës, ku Kili kishte më shumë raste, gjuajte në portë, kontrollin e topit por fati nuk ishte me ata.
Flores, Jotun dhe Guerrero në minutat shtesë i dhuruan Perusë biletën e artë të finales, atje ku për herë të fundit kanë shkuar 44 vite më parë, në vitin 1975.
Kili do të përballet me Argjentinën për vendin e tretë dhe të katërt, ndërsa finalja mes vendit organizator, Brazilit, dhe Perusë do të zhvillohet më 7 korrik.
Këto dy përfaqësuese u përballën edhe më herët në fazën e grupeve, me Brazilin që arriti të triumfojë në shifrat e thella 5 me 0./ Opinion.al
