Familja Hadid po kalon disa çaste të vështira pasi një person i rëndësishëm për ta ka ndërruar jetë. Gjyshja e Bella, Gigi dhe Anwar Hadid ka ndërruar jetë dhe ata e kanë shprehur trishtimin e tyre për këtë humbje përmes fotove dhe kujtimeve.
Te tre kanë publikuar foto nga çastet me gjyshen e tyre Oma.
“Faleminderit që na ke mësuar të jemi të fortë. E di që tashmë je e lirë pasi luftove gjatë,”-ka shkruar Anwar.
“Mbretëresha jonë luftoi me kancerin gjashtë herë në jetën e saj me kurajë dhe forcë ndërkohë që ishte një nënë dhe një gjyshe e mrekullueshme. Të duam më shumë se fjalët, e bukura jonë dhe e mrekullueshmja Oma”-ka shkruar modelja Gigi Hadid.
Gjithashtu edhe Bella ka ndarë momentet me të në rrjete sociale ku në një foto të vjetër me gjyshen ka shkruar “Përgjithmonë”.
Nuk kanë munguar edhe komentet e Dua Lipës, këngëtares me origjinë shqiptare, e cila aktualisht është në një lidhje me Anwar.
Ajo ka komentuar me zemra në fotot e publikuara nga Anwar dhe motrat e tij duke treguar se është pranë tyre në këto çaste./Opinion.al/
