Mrekullia e San Gennaros u përsërit në Napoli. Gjaku u shkri. Njoftimi u dha nga Imzot Domenico Battaglia dhe u përshëndet nga duartrokitjet e besimtarëve. Për shkak të rregullave anti-covid, 450 besimtarë u pranuan në kishë ndërsa 200 të tjerë qëndruan në oborrin e saj.
Në fund të ceremonies, ampula me gjakun e San Gennaros u vendos në mbajtësen brenda kapelës kushtuar Shenjtorit Mbrojtës të Napolit. Përsëritja e ‘mrekullisë’ lexohet si një ogur i mirë për Napolin dhe zonën e Campanias.
19 shtatori është dita në të cilën festohet San Gennaro, shenjti mbrojtës i Napolit, i nderuar shumë nga qytetarët napolitanë dhe i njohur për ‘mrekullinë e gjakut’, të cilin e pret i gjithë qyteti me padurim. Mrekullia ndodh tre herë në vit: më 19 shtator, në ditën e San Gennaros, të shtunën që paraprin të dielën e parë të majit dhe më 16 dhjetor. Kujtojmë se në16 dhjetorin e kaluar mrekullia nuk kishte ndodhur./Opinion.al
