Nuk është më lajm që sot shumë femra preferojnë të bëhen të dashurat e një burri të martuar. Statistikat janë gjithnjë e më në rritje, shprehen studiuesit, dhe kjo shpesh po kthehet në një fenomen.
Në fakt kësaj dukurie nuk i kanë shpëtuar as femrat intelektuale apo me pozitë, ndërsa vetëm 3% e këtyre rasteve përfundojnë me skenarin kur burri lë gruan për të dashurën.
Edhe pse femra e di që nuk është ide e mirë, përsëri pranon të jetë e dyta. Sipas ekspertëve, arsyeja e vetme që këto femra e pranojnë këtë rol, është gënjeshtra me të cilën ushqejnë vetën, se një ditë ai do ta lërë gruan.
Psikologët shprehen se këto raste sa po vijnë edhe po shtohen, madje shumë femra nuk e quajnë aspak diçka shqetësuese. Shkaku i dytë më i përhapur është gjendja ekonomike. Shumë femra të cilat dëshirojnë të jetojnë mirë, shpesh zgjedhin si rrugë një burrë të pasur, dhe të martuar i cili ja plotëson të gjitha.
