Ajo që ende është pjesë e debatit për ndikimin e komunizmit në historinë e Shqipërise tashmë riprodhohet me të njëjtat skema edhe në platformën Dixhitalb.
Sot në orën 17.45, në stacionin e fëmijëve Bang Bang, një aktore po u lexonte fëmijëve një përrallë nga lufta Nacional Çlirimtare. As më shumë e as më pak por me këtë fjali: “Partizani i vogël hyri ne shtëpi dhe atje mbërritën gjermanët dhe ballistët për ta vrarë”. Vijimi ishte pa shumë ndryshime nga skema e përrallave te viteve të diktaturës.
Dhe e gjitha kjo ndodh ndërkohë që në Shqipëri flitet për dekomunistifikimin e shoqërisë. Ndërsa në një prodhim të vitit 2015, fëmijeve u tregohet historia si ne diktaturë.
