“Përpjekje e turpshme e përfaqësuesve të PD për të djegur një shkollë në Shkodër. Ftoj qytetarët e Shkodrës që të distancohen nga ky turp i pamasë dhe të izolojnë bijtë e dhunës. Asnjë drejtues bashkie nuk mund të mbajë me dhunë dhe me zjarr mandatin që tashmë po mbaron. Nuk ka asnjë mundësi që dhunuesit t’i shpëtojnë ligjit. Pushteti mund të mbahet vetëm me votën e qytetarëve”
Ka qenë ky reagimi i ministrit të Brendshëm, Sandër Lleshaj pas incidenteve të fundit që kanë të bëjnë me zgjedhjet lokale. Në orët e mbrëmjes i është vënë zjarri ambienteve në katin e parë në shkollën “Shejnaze Juka”, në Shkodër, ku ishte vendosur një nga KZAZ-të.
https://www.facebook.com/opinioni.al/videos/348003912574486/
Fillimisht punonjës të bashkisë së Shkodrës, të mbështetur nga simpatizantë të Partisë Demokratike dhe ish-deputeti Bardh Spahia janë përplasur me efektivët e policisë që ruanin derën e KZAZ dhe me forcë kanë hyrë në ambientet e brendshme.
Bashkitë e drejtuara nga opozita përfshirë këtu dhe atë të Shkodrës i kanë dërguar një letër disa ditë më parë KQZ për lirimin e hapësirave të parashikuara për KZAZ pas vendimit të presidentit Ilir Meta për të anuluar zgjedhjet lokale të 30 qershorit.
Incidenti më i rëndë që prej çdekretimit të datës së zgjedhjeve nga Presidenti ndodhi në Tropojë. Siç raportohet disa persona kanë hyrë në KZAZ-në numër 9 duke larguar materialet zgjedhore./ Opinion.al
