Ministri i Brendshëm Sandër Lleshaj ka reaguar pas përplasjeve në protestën e së shtunës, ku 2 policë dhe 4 qytetarë u lënduan, ndrëkohë që Garda e Republikës ka përdorur gazin lotsjellës.
Në një postim në tuiter, Lleshaj u është drejtuar liderëve politikë që të distancohen nga dhuna, ndrsa ka ftuar gjithashtu për të njëjtin qëndrim edhe qytetarët.
“Bëj thirrje gjithë drejtuesve politikë që të distancohen nga dhuna që po ushtrohet ndaj institucioneve të Shqipërisë. Ftoj qytetarët të distancohen nga elementët e dhunshëm. Është me shumë vlerë të dëgjohet zëri i arsyeshëm i miqve të mëdhenj të Shqipërisë”, ka shkruar Lleshaj duke shtuar se: Jo dhuna, por arsyeja na afron drejt Europës së vlerave tona! / M.B
