40 persona janë proceduar penalisht në gjendje të lirë në Berat,pas përplasjes së fortë mes protestuesve dhe policisë.
Qytetarët tentuan të futen me forcë në ambientet e KZAZ nr. 64 tek Pallati i Kulturës në Berat dhe në ambientet e KZAZ nr.66 tek Pallati Kulturës Skrapar.
Mësohet se mes tyre janë proceduar sekretari organizativ i PD, dy nënkryetarë e bashkisë, shefi i policisë, punonjës policie bashkiake në Berat dhe Skrapar, si edhe punonjës të këtyre bashkive.
përplasje të ashpër ka pasur në disa qytete të vendit, pasi opozita shprehet se nuk do të lejojë zhvillimin e zgjedhjeve lokale më 30 qershor, duke respektuar kështu vendimin e presidentit Ilir Meta./ Opinion.al E.Xh.
Të proceduarit penalisht janë:
- E.B, 34 vjeç, banues në Tiranë (Sekretar Organizativ i PD)
- B.B, 35 vjeç, banues në Berat (N/Kryetar i Bashkisë Berat)
- H.S, 50 vjeçe, banuese në Berat (N/Kryetare e Bashkisë Berat)
- M.K, 32 vjeç, banues në Skrapar (Drejtor i Ndërmarrjes së shërbimit publik)
- K.Gj, 64 vjeç, (Shefi i Policisë Bashkiake Berat),
- G.P, M.M, A.R, D.B, F.C, M.K, E.D punonjës të policisë Bashkiake Berat.
- A.Z, A.G, J.M, A.Ç, A.I punonjës të policisë Bashkiake Skrapar.
Si dhe G.A, M.H, B.H, F.K, SH.M, K.E, E.Ç, M.V, R.Ç, S.Z, R.H, P.GJ, E.T, A.C, A.H, A.G, E.A, R.B, I.H, E.H, N.G, I.B, K.M, punonjës pranë këtyre bashkive dhe qytetarë.
Materialet në ngarkim të këtyre shtetasve u referuan në Prokurorinë e Rrethit Gjyqësor Berat për veprat penale “Organizimi dhe pjesëmarrja në grumbullime e manifestime të paligjshme”, “Kundërshtim i punonjësit të policisë së rendit publik”, “Prishja e qetësisë publike” dhe “Shkatërrim prone”./ Opinion.al E.Xh.
