Lidhur me përplasjet e ditës së sotme në Elbasan mes militantëve të Partisë Socialiste dhe të Partisë Demokratiken ka reaguar edhe Kryetarja e LSI-së Monika Kryemadhi.
Gjatë prezantimit të kandidatit për deputet në Përmet, Elton Ismalaj, Kryemadhi tha se ajo çfarë ndodhi ditën e sotme në Elbasan është rezultat i 25 prillit. Kryemadhi tha se njerëzit e përzunë kryeministrin dhe i thanë ik largohu.
“Një nga problemet tona kryesore është ajo çfarë do të ndodhë mbas 25 prillit sepse ne e kemi mëse të qartë se cili do të jetë rezultati i 25 prillit. Rezultati i 25 prillit është ajo çfarë ndodhi në Elbasan më përpara, aty ku njerëzit e përzunë dhe i thanë ik largohu sepse nuk duam të të shikojmë.”, tha ajo.
Kryemadhi më tej tha se Ramën tashmë njerëzit e shohin si fenomen i cili ka varfëruar shqiptarët dhe i largoi të rinjtë nga vendi.
“Ndërkohë që sot njerëzit nuk kanë më dëshirë ta shikojnë jo si individ por si fenomen. Sepse është fenomeni që i varfëroi shqiptarët, i largoi shqiptarët nga Shqipëria, i largoi të rinjtë dhe të rejat nga Shqipëria. Prandaj dhe angazhimi ynë nuk ka të bëjë vetëm me 25 prillin. 25 prilli ka të bëjë me ndryshimin për të ndëshkuar çdo njeri që nuk mban fjalën, çdo politikan që nuk iu përgjigjet. Socialistët e Përmetit shikojnë më shumë socialist Vangjel Tavon sesa Bledi Çuçin”, tha ajo.
