Presidenti Ilir Meta, ditën e sotme i ka kërkuar informacione, Drejtorit të Përgjithshëm të Burgjeve, Agim Ismailit në lidhje me sistemin e sigurisë.
Kërkesa e presidentit vjen në një kohë kur vendi është i përfshirë nga tensione të forta.
Meta ka kërkuar gjithashtu që të merren të gjitha masat e nevojshme për të rritur sigurinë në burgje.
Prej dy ditësh ka pasur tensione dhe përplasje të forta mes Policisë së Shtetit dhe asaj Bashkiake në disa qytete ku Bashkitë drejtohen nga e djathta.
Më herët, Meta i është drejtuar me një letër misionit të OSBE – ODIHR për zgjedhjet. Meta ka njoftuar misionin për dekretin që shfuqizoi dekretin e mëparshëm sipas të cilit zgjedhjet vendore do të mbaheshin në 30 qershor. Ai gjithashtu u ka bërë të ditur se procesi nuk mund të zhvillohet pa dekret nga Presidenti./ Opinion.al E.Xh.
