Bota

Përplasjet me Turqinë, Franca: Nuk do të dorëzohemi ndaj…


Bëhu pjesë e Grupit Zyrtar të Opinion.al
>> KËTU <<
               Publikuar në : 16:22 - 28/10/20 |
Opi Nion

Zëdhënësi i qeverisë franceze, Gabriel Attal ka deklaruar se Franca do të vazhdojë luftën kundër ekstremizmit islamik, pavarësisht kritikave nga presidenti i Turqisë, Recep Tayyip Erdogan.

Attal tha se Franca nuk do të dorëzohet në përpjekjet e destabilizimit dhe kërcënimit.

“Franca kurrë nuk do të heqë dorë nga parimet dhe vlerat e saj”, tha Attal pas një takimi të kabinetit qeveritar, duke theksuar “një unitet të fortë Evropian” kundër dhunës islamike, raporton AFP.

Franca është tronditur këtë muaj nga prerja e kokës së një mësuesi nga një militant islamik, i cili është hakmarrë për përdorimin e karikaturave të Profetit Muhamed në një orë për lirinë e shprehjes.

Vrasja e tij shkaktoi zemërim në Francë, e cila është përballur me një valë sulmesh xhihadiste që nga masakra e janarit 2015 ndaj 12 personave në zyrat e së përjavshmes satirike Charlie Hebdo.

Gazeta, e cila kishte nxitur zemërimin e myslimanëve, në të gjithë botën, pas botimit të karikaturave të Profetit Muhamed. Revista ribotoi karikaturat muajin e kaluar, për të shënuar hapjen e një gjykimi për bashkëpunëtorët e dyshuar në sulmin e Charlie Hebdo.

Presidenti francez, Emmanuel Macron mbrojti fuqishëm traditën e shtetit laik në Francë dhe u zotua se do të godiste radikalizmin islamik, në veçanti duke mbyllur xhamitë e dyshuara për nxitjen e ideve ekstremiste.

Kjo e shtyu Erdoganin të akuzonte Macron për shënjestrimin e padrejtë të komunitetit mysliman të Francës.

Charlie Hebdo nxiti më shumë kritika nga Turqia, kur të mërkurën, në faqen e parë, botoi ​një karikaturë të Erdoganit, në të cilën ai paraqitej duke pirë një birrë në të brendshme, ndërsa me dorën tjetër ngriste fustanin e një gruaje të veshur me hixhab. Turqia ka akuzuar revistën franceze Charlie Hedbo, për “racizëm kulturor”.

Pas