Kryeministri Edi Rama ka vijuar takimet elektorale në kuadër të zgjedhjeve lokale të 30 qershorit.
Rama ka paralajmëruar nga Konispoli se të gjithë ata persona të cilët do të shkaktojnë përplasje gjatë zgjedhjeve lokale nuk do të mund të punësohet më kurrë në administratë.
Kryeministri shtoi se opozita, ish-kryeministri Sali Berisha dhe presidenti Ilir Meta po tentojnë të frikësojë popullin duke përmendur vitin e’97.
“Ka diçka që nuk shkon në këtë histori. Si mundet një parti të dorëzohet para zgjedhjeve dhe të pretendojë të kthej në vend rrëmujën dhe dhunën kur pret negociatat së bashku me një presidenti qe i përmend një ‘97. Pse duan ta trembin populli, pse këta kërkojnë me çdo kusht një konflikt. Pse këta bëjnë protesta të dhunshme? Ata duan me çdo kusht t’i bllokojnë. Negociata ne i meritojmë, jo se e themi ne por e ka thënë KE-ja. Gjëja e parë që BE do t’i vërë para Shqipërisë do jenë dy kapituj të reformës në drejtësi. Ata thonë se duhet të na provoni se ju jeni shteti i së drejtës dhe duhet të veproni. Imagjinoni sikur katërshja ta pranojë këtë, katërshja që po e bën këtë gjurulldi, si mund ta pranojë këtë rrugë për të shkuar si cjapi tek kasapi. Ky është një popull imagjinar i krijuar sa nga halli dhe sa nga presioni. Në të gjitha bashkitë që drejtojnë demokratët dhe ku pas 30 qershorit, asnjë grua nuk do të lëvizet nga puna dhe të gjithë ata burra që kanë ngatërruar detyrën me shërbimet qorre, ata duhet të kanë frikë jo se do të ikin nga puna, por nuk do të hyjnë më kurrë në administratën publike. Ata ëndërrojnë që të vriten njerëz. 30 qershori është një moment shumë i rëndësishëm. Luli thotë t’i marrë të gjitha pa garë, t’i marrë të gjitha pa garë , por do marrë Ndoc Rrokun. ”-tha Rama./ Opinion.al E.Xh.
