Rikthehen përplasjet në Shkodër për çështjen e zhvendosjes së KZAZ nga ambientet ku ishte caktuar nga KQZ. Punonjës të bashkisë së Shkodrës, të mbështetur nga simpatizantë të Partisë Demokratike dhe ish-deputeti Bardh Spahia janë përplasur me efektivët e policisë që ruanin derën e KZAZ dhe me forcë kanë hyrë në ambientet e brendshme.
https://www.facebook.com/opinioni.al/videos/1631773536967137/
Bashkitë e drejtuara nga opozita përfshirë këtu dhe atë të Shkodrës i kanë dërguar një letër disa ditë më parë KQZ për lirimin e hapësirave të parashikuara për KZAZ pas vendimit të presidentit Ilir Meta për të anuluar zgjedhjet lokale të 30 qershorit.
Pas ultimatumit të Bashkisë Lezhë për lirimin e ambienteve në orën 16:00, forca të shumta policie kanë marrë në mbrojtje 2 KZAZ-të.
Dhjetra forca policie u shtuan për të mbajtur nen kontroll materialet zgjedhore, ndërsa ra në sy se nuk pati grumbullim njerëzish.
Incidenti më i rëndë që prej çdekretimit të datës së zgjedhjeve nga Presidenti ndodhi në Tropojë. Siç raportohet disa persona kanë hyrë në KZAZ-në numër 9 duke larguar materialet zgjedhore./ Opinion.al
