Përplasjet dhe gazi lotsjellës kanë shoqëruar protestat kundër reformës së pensioneve në Paris, ndërsa raportohen më shumë se 60 persona të shoqëruar nga policia.
Një figurë e presidentit Emmanuel Macron u dogj gjithashtu nga protestuesit në shesh. Tensione kanë shpërthyer edhe në Bordo mes protestuesve dhe policies e po ashtu edhe në Lille.
Ndërkohë në Asamblenë Kombëtare u depozitua një mocion censurimi i tërthortë me synimin për të rrëzuar qeverinë. Disa deputetë të opozitës kanë bashkuar forcat për të rrëzuar ekzekutivin e udhëhequr nga Elisabeth Borne. Përpjekja duket mjaft joreale pasi, për të rrëzuar qeverinë, mocioni do të duhej një shumicë absolute, një numër i vështirë për t’u arritur për momentin.
“Miratimi i këtij mocioni do të lejojë një dalje nga lart-poshtë nga një krizë e thellë politike”, u tha gazetarëve kreu i grupit të Liot, Bertrand Pancher, duke i ardhur keq që “kolegët e Republikanëve nuk janë midis nënshkruesve”.
Ndërsa është e vërtetë që miratimi i mocionit mbetet i pamundur, duhet theksuar se një mocion i dytë është paraqitur edhe nga Asambleja Kombëtare e Marine Le Pen. Prandaj, qeveria e kryeministrit Borne dhe, indirekt, edhe Emmanuel Macron janë gjithnjë e më në vështirësi. Votimi është caktuar për 20 mars: nëse një nga dy mocionet do të arrinte pragun prej 287 votash, qeveria do të binte. Megjithatë, sipas stacionit televiziv BfmTv, mocionit të grupit Liot aktualisht do t’i mungojnë 23 vota për të kaluar.
“Kaloi” votën e Asamblesë Kombëtare me nenin 49.3 Reforma e dëshiruar nga ekzekutivi, e cila rrit moshën e pensionit nga 62 në 64 vjeç në Francë, sheh kundërshtimin e të gjithë gamës së opozitarëve ndaj Asamblesë Kombëtare. Aq sa duke mos llogaritur votat e nevojshme për ta kaluar, qeveria i është drejtuar nenit 49.3 të Kushtetutës, që lejon miratimin e një ligji duke “kaluar” votën e deputetëve. Një zgjedhje, ajo e kryeministrit, e cila ndezi edhe më shumë reagimet, në një Francë në mes të një krize politike dhe në grahmat e trazirave të forta sociale./Opinion.al
