Gjykata Kushtetuese ka njoftuar ditën e sotme se është shtyrë seanca plenare e caktuar në datën 25 prill, për shqyrtimin e kërkesës së paraqitur nga kryeministri Edi Rama me objekt “ Zgjidhja e mosmarrëveshjes së kompetencave ndërmjet Kryeministrit dhe Presidentit” .
Ndërkohë bëhet me dije se data e seancës së ardhshme nuk është njoftuar ende nga ana e Gjykatës Kushtetuese.
Sipas kësaj Gjykata, në lidhje me orën dhe datën e seancës plenare do të ndiqen rregullat përkatëse për njoftimin e të dyja palëve.
Rasti në fjalë ka lindur si pasojë e përplasjes që ka ndodhur mes kryeministrit Rama dhe Presidentit Ilir Meta për emërimin e Gent Cakajt në postin e ministrit të jashtëm, për të cilin presidenti nuk nxori kurrë një dekret, për ta bërë de juro ministër.
Kjo e detyroi Kryeministrin Edi Rama që ai të mbante dy pozicione, atë të kryeministrit dhe atë të ministrit të jashtëm, ndërsa Cakaj qendroi pothuajse dy vite si ministër i jashtëm në detyrë, deri në ditën e dorëheqjes së tij për ti lënë vendin Olta Xhaçkës./Opinion.al
