Vota e Shqipërisë në OKB kundër traktatit të eleminimit të armët bërthamore vazhdon të mbajë të ndezur një debat midis Presidencës dhe Ministrisë së Jashtme. Presidenca pretendon se nuk është njoftuar nga Ministria e Jashtme lidhur me këtë votë, ndërsa vetë Ministria e linjës thotë se për këtë i është dërguar një shkresë institucionit të Presidencës. Ditën e sotme pas përgënjeshtrimit të ardhur nga Presidenca, Ministri i Jashtëm Bushati ka reguar duke thënë se “Shkresa që ka Presidenti është një fakt lehtësisht i verifikueshëm. Kemi vepruar në përputhje me ligjin dhe sqarimi ka qenë shterues. Presidenti ka kërkuar informacion shkresor për këtë çështje dhe ministria e Jashtme i është përgjigjur në formë shkresore. Kjo ka ndodhur përpara deklaratës time ditën e djeshme në Komisionin Parlamentar” tha Bushati.
Por Presidenca ka reaguar sërish duke publikuar regjistrat e Gardës.
Sipas tyre, shkresa ka mbërritur ditën e martë.
“Presidenti i Republikës, Sh. T. Z. Bujar Nishani shpreh keqardhjen për disinformimet e përsëritura e të pavërteta të Ministrit të Jashtëm Ditmir Bushati dhe nëse nuk do të ishte një çështje e rëndësishme e marrëdhënieve me Shtetet e Bashkuara të Amerikës, aleatin kryesor strategjik të Shqipërisë, si dhe vendet partnere në NATO, nuk do t’i kthente përgjigje disinformimit të radhës së Ministrit.
Disinformimit të djeshëm në Komisionin për Politikën e Jashtme, sot Ministri Bushati i ka shtuar edhe një të ri, duke pretenduar se i është përgjigjur në formë shkresore Presidentit përpara deklaratës së tij të ditës së djeshme në Komisionin Parlamentar.
Edhe ky pretendim i Ministrit Bushati nuk është aspak i vërtetë, pasi shkresa ka mbërritur në Presidencë dhe është regjistruar nga autoritetet e Gardës së Republikës, në orën 10:00 të datës 07.02.2017, si dhe pak minuta më vonë nga strukturat e protokollit të Institucionit të Presidentit të Republikës. Këto janë lehtësisht të verifikueshme dhe jo pretendimet disinformuese të Ministrit,” thuhet në deklaratën e Nishanit.”
Në muajin dhjetor Shqipëria votoi kundër trajtatit të e eleminiminit të Armëve Bërthamore në Adsamblenë e Përgjithshme të Komberëve të Bashkuara. Ndërsa Presidenca e Republikës ka bërë të ditur se nuk është njoftuar me shkrim nga Ministria e Jashtme për këtë vendim.
