Marrëdhëniet Ukrainë-SHBA janë “rikthyer në rrugën e duhur”, sipas shefit të shtabit të Volodymyr Zelenskyt.
Marrëdhëniet dukej se ranë në një nivel të ri muajin e kaluar pas një takimi midis Zelenskyt dhe Donald Trump në Shtëpinë e Bardhë.
Por në një intervistë me agjencinë e lajmeve Reuters, Andriy Yermak tha se dy raunde bisedimesh në Arabinë Saudite i dhanë Kievit mundësinë për t’u treguar zyrtarëve amerikanë se është i hapur për të punuar me Trump për t’i dhënë fund luftës.
“Unë mendoj se kemi biseda të shkëlqyera me amerikanët. Mendoj se jemi kthyer në rrugën e duhur,” tha Yermak.
Duke përshkruar negociatat në Arabinë Saudite – ku SHBA ka zhvilluar gjithashtu bisedime me Rusinë – Yermak tha se delegacioni i Ukrainës demonstroi “ne jemi shumë serioz”.
“Të dashur miq amerikanë, ju e kuptoni që ne jemi partnerë. Ky ishte qëllimi ynë,” tha ai. Në kontrast me qasjen e tyre, ai shtoi se Rusia “thjesht po luan lojëra”.
