Banorët e Unazës së Re janë përleshur këtë të martë me policinë, pasi kishin dalë në rrugë për të bllokuar kalimin e kryeministrit Edi Rama, i cili ishte për një inspektim të fabrika e miellit.
Momentet e tensionit kanë qenë të shumta, ndërsa protestuesit kanë qëlluar me gurë në drejtim të policisë.
Policia ka shoqëruar disa persona mes tyre edhe ish-deputeti i partisë demokratike Klevis Balliu, ndërsa për të shpërndarë turmën kanë ndërhyrë policët e forcave speciale.
Balliu u pa të dilte nga dritarja e furgonit të policisë duke i bërë thirrje njerëzve që të mos largoheshin. Shumë banorë, mes tyre dhe dy gra janë parë të shtrirë në tokë, pa ndjenja.
Jo zyrtarisht flitet për disa të plagosur, ndërsa banorët akuzojnë se forcat e policisë kanë përdorur spraj për të shpërndarë turmën. Ata po ashtu thonë se janë goditur dhe me shkop gome nga FNSH. / Opinion.al
