Bujar Leskaj rikthehet në krye të Kontrollit të Lartë të Shtetit.
Pas tërheqjes së zëvendës kryetares, Lindita Milo, Leskaj është vendosur sërish në krye të KLSH deri në momentin që Kuvendi do të zgjedhë dikë tjetër.
Pas përfundimit të mandatit Leskaj ia kishte deleguar kompetencat zv. kryetares së këtij institucioni, Lindita Lati Milos, por ajo është tërhequr për arsye personale.
Mandati 7-vjeçar i Leskajt përfundoi në dhjetor të vitit të kaluar. Pas përfundimit të mandatit të tij presidenti Ilir Meta kërkoi qëndrimin e tij në detyrë deri në zgjedhjen e një kryetari të ri.
Dy kandidaturat qe ka propozuar Presidenti Ilir Meta për kreun e KLSH-së kanë qenë Vitore Tusha dhe Bahri Shaqiri.
Zonja Tusha është rrëzuar nga Kuvendi, pasi sipas tyre me emërimin e saj në krye të KLSH do të dëmtohej reforma në drejtësi pasi ajo është tek Këshilli i Emërimeve në Drejtësi.
Për sa i përket Bahri Shqirit, mazhoranca tha se gjatë karrierës së tij nuk ka pasur përvojë profesionale në fushën financiare dhe veçanërisht në fushën e auditimit të jashtëm.
Vlen të kujtojmë se zoti Shaqiri ka qenë në krye të Shërbimit Informativ Shtetëror./ Opinion.al
