Drejtori i Policisë Kriminale Tonin Vocaj ka patur një ndërhyrje në emisionin “Opinion” lidhur me detajet e vrasjes së Behar Sofisë dhe arrestimin e autorit të dyshuar Ernej Shyti.
Vocaj është përplasur me gazetarët Klodiana Lala dhe Spartak Koka, kur tha se ata kanë patur pasaktësi lidhur me detajet që kanë paraqitur mbi ngjarjen.
I pyetur nga gazetarët se ku qëndronte pasaktësia Vocaj nuk ka dhënë asnjë detaj më shumë, çka ka shkaktuar reagimin e gazetarit Spartak Koka.
Duke iu drejtuar Vocajt, gazetari tha ndër të tjera se me këto akuza dhe retorikë politike nuk mund të bëhet Drejtor i Përgjithshëm.
Pjesë nga debati
Koka: Zoti Vocaj dole dhe për pamjet e drogës dhe the janë të 2013 dhe doli që ishin të 2020. Nuk do bëhesh dot Drejtor i Policisë me këto akuza dhe këtë retortikë politike.
Vocaj: Ambicjet e mia si funksionar i policisë nuk kanë të bëjnë me këtë çështje fare. Nuk është pretendimi im për të qenë drejtor i policisë.
