Deputeti i PD, Gazment Bardhi ka reaguar pas debatit që pati me kryeministrin e Edi Rama në parlament lidhur me votimin e anëtarit të ri të Gjykatës Kushtetuese.
Nëpërmjet një postimi në rrjetet sociale, Bardhi shprehet se kreu i qeverisë ka përdorur oligarkë për të shantazhuar deputetët e opozitës që të votojnë për kandidaton që mbështesin socialistët për në “Kushtetuese”.
Deputeti demokrat thotë se e quan mafioz Ramën për shkak se ai është në dijeni që deputetët e opozitës janë shantazhuar.
Postimi i Bardhit
Shqetësimi që ngrita sot në Parlament është shumë serioz. Dhe për shkak se është i vërtetë kjo solli shpërfytyrimin e Kryeministrit, i cili prej denoncimit që bëra, kaloi në një gjendje robotike, ku vetëm nxirrte fyerje teksa hapte e mbyllte shishen e ujit pavetëdijshëm.
Fakti është se oligarket e tij, dhe të fortet që ka nën hyqem, kane tentuar fillimisht të joshin, më pas të shantazhojne deputetë e deputete për të siguruar vota për të dërguar Dvoranin në Kushtetuese. Kjo është shumë e rëndë. Tregon gjendjen e shtetit dhe demokracisë kur po hyjmë në vitin e 10 të qeverisjes së Ramës.
Çfarë bënte më shumë Cosa Nostra në Itali?! Ja këtë bënte. Caktonte gjykatësit e zyrtarët e lartë përmes lidhjeve politike e presionit.
Kjo është drama e ketij vendi, jo fyerjet e Ramës, apo perjashtimi im nga seanca.
Dhe, më thoni ju, si mund t’i drejtohem ndryshe, perveçse mafioz, kur ai vetë është në dijeni të plotë të këtij operacioni. Madje, bëhet nën kujdesin e posaçëm të Kryeministrit, siç ai ka qejf ti emërtojë eventet.
