Ditën e hënë, me datë 7 janar studentët kanë paralajmëruar një rikthim të protestave. Në kuadër të këtij rikthimi ata kanë vendosur të takohen në ambientet e fakulteteve për të koordinuar protestën. Situata është tensionuar të shtunën ku 2-3 patrulla policie nuk i kanë lejuar studentët të futen në ambientet e fakultetit.
Rreth 100 studentë kanë mbetur jashtë dyerve ndërsa një pjesë e vogël kishin arritur të hynin. Sakaq ka ardhur edhe reagimi i Administratës së Universitetit të Tiranës. Në njoftimin zyrtar shkruhet se në fundjavë dyert e fakulteteve do të jenë të mbyllura, përsa kohë nuk ka aktivitet mësimor./Opinion.al
Njoftimi i plotë:
Miredita te gjitheve,
Po ju percjell njoftimin per shtyp te Administratorit te UT, si meposhte vijon:
“Njoftim per Shtyp
Administrata e Universitetit te Tiranes, duke marre shkas nga situata e krijuar diten e shtune prane ambienteve te Fakultetit Ekonomik, ben me dije qe ambientet e fakulteteve diten e Shtune dhe te Diele jane te mbyllura, persa kohe nuk ka aktivitet mesimor ose aktivitete te tjera te programuara ne funksion te Institucionit. Diten e Shtune dhe te Diele ambientet e fakulteteve administrohen nga kompania e sigurise fizike.
Administratori i UT”
