Ngjarja e rëndë e 4 Tetorit, me 1 të vrarë e 2 të plagosur, në zonën e Bllokut duket se nuk ishte një sherr banal për këngëtaren e njohur Elvana Gjata siç u shit në fillim në media nga “burimet policore”.
Hetimet gradualisht po nxjerrin në dritë se sherri ka qenë për pazaret e drogës. Sot mësohet se në kërkim është shpallur personi me emrin e ndryshuar Eldi Dizdari (emri i vertete Denis Matoshi).
Gazeta Shqiptarja.com shkruan se Matoshi alias Dizdari është kushëriri i Arbër Cekajt, edhe ky tropojan. Arbër Cekaj është pronari i Arbi Garden që u arrestua në Gjermani, pasi për llogari të tij erdhi kontenieri me 600 kg kokainë. (Sasia e madhe e drogës u kap në Shkurt të këtij viti në portin e Durrësit).
Cila është lidhja me ngjarjen e 4 Tetorit?
Gazetari i njohur i kronikës, Flamur Vezaj më 17 tetor publikoi për herë të parë emrin e Denis Matoshit.
“Nga te dhenat e grumbulluara mesohet se prokuroria ka ngritur mjaft dyshime se Martinaj nuk thote te verteten per ngjarjen, duke u ndihmuar edhe nga pronari i lokalit Redi Popesku dhe policia e shtetit qe nuk jep asnje informacion shtese!
Sipas disa burimeve nga policia dhe prokuroria ne vendin e ngjarjes dyshohet se kane qene se bashku me Martinajn edhe dy efektive te tjere te policise (njeri i drejtorise se Durresit) qe jane identifikuar dhe qe kane dijeni per ngjarjen me arme per te cilet Martinaj nuk flet!
Nuk flet edhe per dy shoket e tij, Denis Matoshi alias Eldi Dizdari (i afërm i Arber Çekajt, arrestuar ne Gjermani si pronari i 613 kg kokaine) se bashku me Renato tepelensin (keshtu njihet) qe ende edhe sot policia nuk ka derguar ne prokurori ndonje informacion per vendndodhjen e tyre apo pyetjen e tyre te cilet kane dijeni per sherrin!
Nuk flet edhe per ish-efektivin e policise i njohur si Santiago (dyshohet si vrases) qe ka hyre ne lokal duke mbajtur ne dore nje automatik MP5 (e qe po fshihet ne zonen e Kinostudios) bashke me Fabiol Gaxhen qe mbeti i vrare, fytyrat e cileve jane fiksuar nga kamerat e sigurise ne hyrje te lokalit!”, shkruan Flamur Vezaj
Për çfarë kërkohet tropojani me dy emra?
Eldi Dizdari alias Denis Matoshi mësohet se kërkohet për të dhënë shpjegime, pasi ai është personi që pati një konflikt të fortë me Ervin Matën, partnerin e Elvana Gjatës. Gazeta Shqiptarja.com, duke iu referuar burimeve të saj shkruan se ka patur një konflikt përpara lokalit Monopol, rreth 30 minuta para se të ndodhte përplasja me armë.
“Shkak i mosmarrëveshjes dyshohet një sasi e konsiderueshme kokaine. Mata nuk i është përgjigjur Dizdarit për këtë ngarkesë dhe mes tyre për sqarim hyri biznesmeni Ervis Martinaj, i cili është edhe një nga dy të plagosurit në lokalin ku ndodhi ngjarja”, shkruan kjo gazetë.
Në këtë konflikt është përpjekur të hyjë dhe komandoja Merviol Bilo, por nga pamjet filmike ka rezultuar se Bilo largohet nga Mata dhe më pas Eldi Dizdari së bashku me personat e tjerë që ishin me të janë larguar. Makina e tyre është ndjekur në këmbë nga Mata dhe grupi i tij deri tek zona e “Sky Tower”, por nuk kanë mundur më ta shikojnë dhe janë rikthyer sërisht pas, duke u futur në lokal “Monopol.
Ndërkohë Dizdari nuk ka qënë fizikisht në lokalin “Monopol”, aty ku ndodhi dhe përleshja fizike dhe me armë, pasi është larguar në drejtim të pacaktuar ende. Pamjet filmike të disa bizneseve sipas prokurorisë kanë zbuluar se Dizdari ka qënë personi i parë ai që është konfliktuar me Ervin Mata dhe më pas është larguar, shkruan gazeta Shqiptarja. com.
Bashkëshortët e vajzave VIP
Ervin Mata dhe Denis Matoshi, të shpallur në dy në kërkim kanë një të përbashkët: Janë të dy të lidhur me vajza shumë të njohura të ekranit. Përkatësisht Ervin Mata bashkëjeton me këngëtaren e njohur Elvana Gjata dhe Denis Matoshi është bashkëshorti i miss-it shqiptar Suada Sherifi. Ngjarja e Bllokut shpjegon disi edhe arsyen se Elvana Gjata dhe Suada Sherifi e kishin kaq diskrete jetën private duke mos folur kurrë për bashkëshortët e tyre.
- Suada Sherifi dhe bashkeshorti i saj
2. Elvana Gjata dhe Ervin Mata
