Një ditë pas përplasjes me Kryeministrin Edi Rama në stadiumin “Loro Boriçi”, Kryetarja e Bashkisë së Shkodrës, Voltana Ademi ka dalë sot në një konferencë për media, përmes së cilës ka dënuar ato që i ka cilësuar kërcënime të kryeministrit Rama.
Ademi deklaroi se Rama ia ka përsëritur dje 10 herë shprehjen “Do ketë zero fonde për Shkodrën nëse s’prishni dy shtëpi. Më tha do keni zero lekë”.
Sipas zonjës Ademi arsyeja hakmarrëse së kryeministrit Rama është vota e shkodranëve kundër tij.
“I bëj të ditur se prona është më e rëndësishme se qeveria. Rama po vepron kundër ligjit, kundër qytetareve”, tha ajo.
“Kam dërguar pranë qeverisë me dhjetëra projekte dhe janë refuzuar. Kjo është taksa që qytetaret do paguajnë, hakmarrja”, shtoi Ademi.
Ja batutat e plota në stadiumin “Loro Boriçi”
Rama: Voltana në mbrojtje, Voltana në mesfushë, Voltana në sulm dhe ndërtimet pa leje s’prishen
Ademi: Po flasim për ndëtime me leje që janë në pronësi të pronarëve të ligjshëm, ky është problemi tjetër. Ka një vullnet shumë të mirë për ti zgjidhur gjërat.
Rama: E shof vullnetin, një vit në detyrë dhe shife si e ke lenë
Rama: E di si thu ti, ti thua sheshin qëndror të qytetit ta bëjmë mbrapa
Ademi: Jo unë them me heq të gjitha ato që janë pa leje dhe që s’janë në rregull dhe me respektu të drejtën e pronës kur ekziston mundësia e zgjidhjes
Rama: Voltana ti je Kryetare e Bashkisë, ata që janë pa leje duhet ti heqësh ti vetë, se e ke detyrë. Nëqoftëse ke ndërmend, hiqi
Ademi: Sigurisht unë po e bëj
Rama: Mua ma kërkon
Ademi: Absolutisht që jo
Rama: Se sa po e ban e shof unë se janë atje akoma Ademi: Unë po mbroj të drejtën e qytetarëve të mi Rama: Aha, mirë…
Ademi: Për të cilën unë jam zgjedh dhe pretendoj që edhe kryeministri ta bëjë këtë
Rama: Mos bëj propagandë këtu në televizor
Ademi: Absolutisht, me të drejtën e Zotit edhe me të drejtën që më jep ligji
Rama: O zot ndihmoje Shkodrën
Ademi: Zoti kryeministër unë mendoj që nuk është gjëja më e rëndësishme për Shkodrën, sësa me u marr me dy objekte që kërkojnë me u vlerësu si duhet
Rama: O Zot!
